背景

假設A君喺網絡上睇到一啲文章，想share出去但又唔想用自己身份去做，可能會選擇copy and paste又或者cap圖再re-post。

唔想用自己身份行事嘅目的有好多，例如:

• 喺SNS(社交網絡網站)有多個分身account，想將一啲分身先見到嘅友限(friend only) post傳出來，但又唔想曝露分身嘅身份。
• 將SNS A上嘅文章分享去另一個SNS B (例如從一啲監控嚴密的SNS轉出去自由世界)，但因為內容敏感可能會令SNS A account被停用，甚至因為手機、上網方式有實名制制度而招惹麻煩。

當A君以為唔用SNS內建的分享share功能，而通過copy and paste或cap圖就能夠斷開追蹤鏈，呢個諗法就大錯特錯。

呢一個demo就係為咗演示SNS或網站可以點樣喺頁面上添鹽加醋，以隱寫術(steganography)來做源頭追蹤。

演示

假設以下就係A君想share出去嘅post。上面除咗肉眼見到嘅字，仲用咗兩個方法收埋咗啲暗碼，各位可以喺下面試下解碼。

IT9暗水印追蹤實驗

1m ·

文字Copy and Paste方法

1. 將上面post嘅文字整段copy
2. 貼到下面的文字框解碼
   
3. 睇下入面收埋咗乜？
   

截圖方法

1. 將上面的post截圖或cap screen
2. 喺下面貼上或選擇截圖檔案 (過程中不會上傳任何資料到伺服器)
   
   把檔案拖放在這裏
3. 睇下入面收埋咗乜？(如果睇唔到，請確認圖片格式為PNG)
   
   (在上面貼上截圖)

製作隱寫訊息

1. 你亦可以試下自製帶暗碼嘅Post。喺下面作出修改，上面嘅demo post就會有所改變。
   • 表面文字
     
   • 隱藏文字
     
2. 喺Facebook share新整嘅圖俾其他人睇:
   

結語

以上所演示嘅兩款網頁隱寫術，其原理喺我嘅Medium Post中有更詳盡說明。但呢兩款並非唯二可以用嘅隱寫方式，亦唔係明示暗示而家嘅SNS有用呢啲招數，而只是旨在演示有呢種可能性。

如上圖所演示，SNS或網站可能會將一啲可以追蹤瀏覽者嘅訊息收埋喺入面，任何人唔為意就可能會share埋出去。

呢啲招數嘅正式名字叫做隱寫術(Steganography)，喺在IT界比較著名嘅例子有彩色雷射打印機MIC，用來追蹤文件打印時間同所用嘅打印機。

如果想將一處訊息安全地甩尾傳出去，唯一保証安全嘅辦法就係如同文字記者一樣－自己再謄寫一次。至於圖片或影片檔案，若有心人要夾帶任何隱寫訊息嘅話，基本上係完全無法偵測得到。